எது வந்தாலும் ஏற்றுக்கொண்டால் துணிவே துணையாய் மாறும்! - கர்ஜிக்கிறார் விவேகானந்தர்

by **மாலதி** January 11th 2012, 15:10

ஜன.12 விவேகானந்தர் பிறந்த நாள்

* எல்லா பொருள்களிலும் கடவுள் இருக்கிறார். எனவே மனிதனை மட்டுமின்றி விலங்குகளையும் பறவைகளையும்கூட இறைவனாகவே நினைத்துப்பார்.
*
எல்லா தீமைகளையும் எதிர்த்து போராடு; அன்பாக நடந்துகொள்; மற்றவர்களுக்கு
உதவி செய்; ஏழைகளுக்கு தொண்டு செய்; கைம்மாறு கருதாமல் எல்லாவற்றையும்
மக்களுக்கு கொடு.
* நீ செய்யும் செயலுக்குரிய பலனை மட்டும் கருத்தில்
கொள்ளாதே. அந்த செயலை செய்யும் முறையிலும் கவனத்தை செலுத்து. குறிக்கோளில்
செலுத்தும் கவனத்தை, அதை அடைய மேற்கொள்ளும் பாதையிலும் செலுத்த வேண்டும்.
* என்னால் எல்லாம் செய்ய முடியும் என்று நீ நினைத்தால் அனைத்தையும் செய்து முடிப்பாய். ஏனெனில் உனக்குள் எல்லையற்ற சக்தி இருக்கிறது.
*
மனதில் களங்கம் இல்லாதவர்கள் கடவுளை தரிசிக்க வானத்திற்கோ சொர்க்கத்திற்கோ
போக வேண்டாம். அவர்களால் இந்தப் பிறவியிலேயே, இந்த பூலோகத்திலேயே கடவுளை
காணமுடியும்.
* வலிமைதான் வாழ்வு. பயமே மரணம். உன் வாழ்க்கையில் உணர்ந்து கொள்ள வேண்டிய மிகப்பெரிய உண்மை இதுதான்.
* ஏழைகளுக்கு உதவி செய். சண்டைபோடாதே. குடும்பத்தையும் தேசத்தையும் ஒற்றுமையாக வைத்திருக்க முயற்சி செய்.
* எந்தப் பொருளையும் ஆக்கு. அழிக்கும் முயற்சி வேண்டவே வேண்டாம்.
*
ஒருவருக்கொருவர் கருத்து வேறுபாடு கொள்ளாதீர். தெருவில் குப்பை
கூட்டுகிறவன் கூட, அரியணையில் அமர்ந்து ஆட்சி புரியும் மன்னரைப் போன்ற
பெருமையும் சிறப்பும் உடையவனே. சமரசமும் சாந்தமுமே உன்னை நல்வாழ்வு வாழ
வைக்கும்.
* நடப்பதெல்லாம் நன்மையாகவே நடக்க வேண்டும் என்று
நினைக்காதே. தீமை நடந்தாலும் முழு மனதுடன் ஏற்றுக்கொள். ஏனெனில்
தீமையிலிருந்துதான் மனிதன் பெரும் பாடங்களை கற்றுக்கொள்ள முடியும்.
இன்பத்தைவிட துன்பமே மனிதனுக்கு சிறந்த ஆசானாக அமைகிறது.
* காலையில்
எழுந்ததும், ""இறைவா! நான் பலன் கருதாமலும் சுயநலம் இல்லாமலும் உன்மீது
பக்தி கொண்டிருக்க எனக்கு அருள்செய்'', என்று பிரார்த்தனை செய்.
* முதலில் உன்னைச் சரிப்படுத்துங்கள். அதன்பிறகு உலகத்தை சரிப்படுத்தும் தகுதியை அடைவாய்.
* மரணத்துக்கு அப்பாலும் உன்னைத் தொடர்ந்து வருகிற ஒரே நண்பன் நல்லொழுக்கமே. மற்றவை யாவும் சுடுகாட்டிலேயே எரிந்துபோகும்.
*
உலகம் உன்னை கேலி செய்வது பற்றி பொருட்படுத்தாதே. உனது கடமைகளை
செய்துகொண்டே போ. அளவற்ற தன்னம்பிக்கையுடன் இரு. துணிவுடன் செயலாற்று.
இதன்மூலமே, நீ வெற்றியை எட்ட முடியும்.