இரட்டையர் தரிசனம்

by **மாலதி** August 28th 2011, 07:53

தஞ்சை&கும்பகோணம் பாதையில்,
பாபநாசத்திலிருந்து 2 கி.மீ. தொலைவில் உள்ளது கபிஸ்தலம். இங்குள்ள
ஏகாம்பரேஸ்வரர் ஆலயத்தில் இரட்டை விநாயகர்கள் அருள்கின்றனர். இவர்களுக்கு
பட்டுத் துணி சாத்தி பிரார்த்தனை செய்தால் பெண்களுக்கு விரைவாகத் திருமண
வரம் கிட்டுகிறது.
கடன் தொல்லை நீக்கும் கணபதிகள்
திருச்சி,
பாலக்கரையில் இரட்டை விநாயகர்கள் ஆலயம் கொண்டுள்ளனர். திருவாதிரை
நட்சத்திரத்தன்று இவர்களுக்கு வில்வதளங்களால் அர்ச்சனை செய்து பிரார்த்தனை
செய்தால் தீராத நோய்களும் தீர்கிறது. சந்தனக் காப்பு சார்த்தினால் கடன்
தொல்லையிலிருந்து விடுதலை கிடைக்கிறது.
திருடுப் போனது திரும்பும்
திருப்பனந்தாள்&பந்தநல்லூர்
வழியில், பந்தநல்லூருக்கு அருகில் உள்ளது சோழிய விளாகம். இங்கு
செங்கோட்சோழன் கட்டிய சாமுண்டீஸ்வரர் ஆலயத்தில் உள்ள மகாமண்டபத்தில் இரட்டை
விநாயகர்கள் அருள்கின்றனர். அவர்களை பிரார்த்தனை செய்தால் கைநழுவிப் போன
பொருட்களும், திருடு போனவையும் திரும்பக் கிடைக்கிறது.
தீய பாதிப்பு தொலையும்
கும்பகோணத்திலிருந்து 15 கி.மீ. தொலைவில் உள்ள பாபநாசத்தில் இரட்டை விநாயகர்கள், குடமுருட்டி ஆற்றில் அடித்து
வரப்பட்டு,
இங்கே பிரதிஷ்டையானவர்கள். ராகுகாலத்தில் இந்த விநாயகர்களுக்கு நடக்கும்
பூஜையில் கலந்து கொண்டால் பில்லி சூன்ய பாதிப்புகள் விலகுகிறது.
தந்தையுடன் தனயன்கள்
சீர்காழி&திருப்பனந்தாள்
பேருந்து தடத்தில், பந்தநல்லூருக்கு கிழக்கே 4 கி.மீ. தொலைவில் உள்ளது
மரத்துறை. இங்கு இரட்டை விநாயகர்கள் தன் தந்தை ஈசனுடன் அமர்ந்து அருள்
பாலிக்கின்றனர். இவர்களை வணங்கும் விவசாயிகள் தம் விளைச்சல் இரட்டிப்பாகும் நற்பலனைப் பெறுகிறார்கள்.
தொகுப்பு: ஜெயவண்ணன்