குடந்தைக்காரோணம் (சோமேசர் திருக்கோயில்)

by **மாலதி** July 30th 2011, 12:22

இறைவர் திருப்பெயர் : சோமேசர், சிக்கேசர், சோமநாதர்.
இறைவியார் திருப்பெயர் : சோமசுந்தரி, தேனார் மொழியாள்.
தல மரம் :
தீர்த்தம் : சோம தீர்த்தம்.
வழிபட்டோர் : வியாழன், சந்திரன் முதலியோர்.
தேவாரப் பாடல்கள் : சம்பந்தர் - வாரார்கொங்கை மாதோர்பாக.

தல வரலாறு

மகாசங்கார காலத்தில் ஆன்மாக்களை இறைவன் ஐக்கியமாக்கிக் கொண்டதலம் காரோணம் எனப்படும்.
இக்கோயில் அம்பிகை, இறைவன் திருமேனியை ஆரோகணித்த தலமாதனின் காரோணம் என்றாயிற்று.
அமுத கலசம் வைத்திருந்த உறி சிவலிங்கமான தலமிது. எனவே சிக்கேசம் (சிக்கம் - உறி) என்றும் பெயர்.

சிறப்புக்கள்

இத்தலத்தில் இராமன், இராவணனை கொல்ல ருத்ராம்சம் வேண்டி வழிபட்டு
உடலில் ருத்ராம்சம் ஆரோகணிக்கப் பெற்றதால் காய - ஆரோகணம் - காரோணம் என்று
இஃது பெயர் பெற்றதால், மகாமகக் குளத்தின் வடகரையில் உள்ள இக்'காசி
விசுவேசம்' என்னும் கோயிலே குடந்தைக் காரோணம் என்றும் சொல்கின்றனர்.
இக்கோயில் மேற்கு நோக்கிய சந்நிதியாக எழுபத்திரண்டு அடி உயர இராஜகோபுரமும்
இரண்டு பிரகாரங்களுடனும் காட்சியளிக்கின்றது. சுவாமி - காசிவிஸ்வநாதர்;
அம்பாள் - விசாலாட்சி.
திருஞானசம்பந்தர் பாடலில் "தேனார் மொழியாள்
திளைத்தங்காடித் திகழும் குடமூக்கில், கானார் நட்டம் உடையார்
செல்வக்காரோணத்தாரே" என்று குறிப்பிட்டுள்ளமையால், அம்பிகை பெயர் வழங்கும்
தலம் (சக - உமேசம்) சோமேசம் ஆதலின் இதுவே பாடல் பெற்ற தலமாகக்
கொள்ளப்படுகிறது.
குடந்தைச் சிவனடியார் திருக்கூட்டத்தினர்
இத்திருக்கோயிலையே குடந்தைக் காரோணமாக ஏற்றுக்கொண்டு 1958-ஆம் ஆண்டில்
காரோணப் பதிகத்தைக் கல்லில் பொறித்துச் சுவரில் பதித்துள்ளனார்.

அமைவிடம்

மாநிலம் : தமிழ் நாடு
தமிகத்தின் அனைத்துப் பகுதிகளிலிருந்தும் இங்கு வருவதற்கு பேருந்து வசதி உள்ளது.