திருநல்லம் (கோனேரிராஜபுரம்)

by **மாலதி** July 30th 2011, 12:03

இறைவர் திருப்பெயர் : உமாமகேஸ்வரர், பூமீஸ்வரர், பூமிநாதர்.
இறைவியார் திருப்பெயர் : தேகசௌந்தரி, அங்கவளநாயகி.
தல மரம் : அரசு
தீர்த்தம் : பிரம தீர்த்தம்.
வழிபட்டோர் :
தேவாரப் பாடல்கள் : 1. சம்பந்தர் - கல்லால் நிழல்மேய.
2. அப்பர் - கொல்லத் தான்நம னார்தமர்.

தல வரலாறு

இங்கு இறைவன் (வைத்தியநாதர்), புரூரவமன்னனின் குட்டநோயைத்
தீர்த்ததாக சொல்லப்படுகிறது. (இச்சந்நிதியில் ஜபம் செய்தால் பலமடங்கு
பயனுண்டு என்று சொல்லப்படுகிறது).

சிறப்புக்கள்

கண்டராதித்த சோழன் மனைவியான செம்பியன் மாதேவியின் திருப்பணிப் பெற்ற தலம்.
கல்வெட்டில் இறைவன் 'திருநல்லம் உடையார் ' என்று குறிக்கப்படுகிறார்.
இங்குள்ள கல்வெட்டுக்கள் இராசராசன், இராசேந்திரன், முதலாம் இராசாதிராசன், இரண்டாம் இராசேந்திரன், முதலாம் குலோத்துங்கன் காலத்தியவை.
வேங்கிபுரம் முதலிப்பிள்ளை என்பவன் நன்கொடையால்
கோயில் கட்டப்பட்டதாகவும், 'நக்கன் நல்லத் தடிகள்' என்பவனால் சண்டேசுவரர்
உற்சவத் திருமேனி செய்து தரப்பட்டது என்றும், குந்தவை பல நன்கொடைகளைக்
கோயிலுக்குத் தந்துள்ளாள் என்றும் பல செய்திகள் கல்வெட்டு வாயிலாக தெரிய
வருகின்றன.
தலபுராணம் சமஸ்கிருதத்தில் உள்ளது.
காரணாகம முறைப்படி பூசைகள் நடைபெறுகின்றன.

அமைவிடம்

மாநிலம் : தமிழ் நாடு
கும்பகோணம் - வடமட்டம், ஆடுதுறை - வடமட்டம் செல்லும் பேருந்துகளில் சென்று
கோனேரிராஜபுரம் கூட்ரோடில் இறங்கி 1 கி. மீ. சென்றால் ஊரை அடையலாம்.