கும்பகோணம்-திருவையாறு-பஞ்சநதீஸ்வரர் திருக்கோவில்

by **மாலதி** July 30th 2011, 10:29

தலவிருட்சம்:
வில்வம்(கூவிளம்)

தலமும்இருப்பிடமும்:
மாவட்டத் தலைநகர் தஞ்சாவூரின் வடக்கே 13 கீ.மீ.தூரத்தே உள்ளது.
பேருந்து வசதி மிக உண்டு. கும்பகோணத்திலிருந்து 35கி.மீ தூரத்தே உள்ளது.

தலப்பெயர்கள்:
திருவையாறு, பஞ்சநாதம், செப்பேசம், தென்கயிலை.

திருமுறை:
ஸ்ரீ சம்பந்தர்,ஸ்ரீ அப்பர்,ஸ்ரீ சுந்தரர்

மூர்த்திகள்:

இறைவன்:
ஐயாறப்பர், செம்பொற்சோதியார், ஐயாறுடைய அடிகள், பஞ்சநதீசர், பிரண தாரத்திஹரர்.
இறைவி:அறம் வளர்த்த நாயகி,தர்மசமவர்த்தினி,திரிபுரசுந்தரி,உலகமுழுதுடையாள்.

தீர்த்தங்கள் :
காவிரி, சூரியசந்திர தீர்த்தம், அமுதகூபம், நந்தி கூபம், சமுத்திரதீர்த்தம்

தலப்பெருமை:
சப்தஸ்தானத்தில்,முத்திமண்டபம் உள்ளதலம்,அப்பர் கயிலைக் காட்சி கண்டதலம்.

கும்பகோணம்-திருவையாறு-பஞ்சநதீஸ்வரர் திருக்கோவில் Tan11

தேவார பாடல்:
"தளந்தொருவர் உண்டியால் வழுந்தா வண்ணம்
சைவ நாயகன் ஐயாறுடையநாதன்
அளந்த படி இருநாழி நெல்லுங்கொண்டே
அறம் வளர்த்த அன்னைபதம் சென்னிவைப்பாம்"
பக்தியுடன் பாடிப்பரவிய அவள் நம் உள்ளத்திற்கு இதமான மகிழ்வும் கனிவான அமைதியும் அருளுகின்றாள்.

தலச்சிறப்பு:
அருள்மிகு ஐயாறப்பர்,திருநந்தி தேவருக்குத் தாமே சூரிய தீர்த்தம்,சந்திர
தீர்த்தம்,கங்கா தீர்த்தம், அம்மையின் கங்கைநீர்(பாலாறு)நந்திவாய்
நுரைநீர் எனும் ஐந்து தீர்த்தங்களால் அபிடேகிக்க அவை காவிரியுடன் கலந்து
திரு + ஐ +ஆறு ஆயிற்று எனும் கருத்தே தக்கது என்பர் ஆன்றோர்.

கும்பகோணம்-திருவையாறு-பஞ்சநதீஸ்வரர் திருக்கோவில் Prakaram

பஞ்சபூதத் தலங்களைத் தன்னகத்தே அடங்கியுள்ள ஊர் ஐயாறு 5,6 ஐந்து
சிவவடிவம் ஆறு-சக்தி வடிவம் ஐந்து சிவவடிவமாகிய ஈசானம்
தத்புருடம்,வாமதேவம்,அகோரம்,சத்யோஜாதம் எனும் ஐந்து முகங்களுடைய
சிவனும்,ஆறு சக்திவடிவமாகிய பராசக்தி,ஆதிசக்தி,ஞானசக்தி,கிரியா
சக்தி,இச்சாசக்தி,குடிலாசக்தி எனும் ஆறு சக்திகளில் வடிவம்
சேர்ந்து,சிவ-சக்தி வடிவாக காட்சியளிக்கிறார்.நம் ஐயாறன் என்பதால் ஐந்து
ஆயிற்று -என்பதும் ஒரு பொருளாகும்.

கும்பகோணம்-திருவையாறு-பஞ்சநதீஸ்வரர் திருக்கோவில் Tan4

திரு அழகிய ஐ-தலைமை அகன்ற ஆறு காவிரியாறு பல ஆறுகட்குத் தலைமையான அகன்ற
காவிரியாற்றை உடைய ஊர் திரு ஐ ஆறு.காவிரிக் கரை ஊர்களில் கோயில்கள் பல
இருப்பினும் காவிரிக் கோட்டம் என்ற கோயிற் பெயருடைய ஊர் இஃதொன்றே
சிறப்புடன் விளங்குகிறது.எனவே ஐயாறு என்பதற்குச் சரியான தெளி பொருள் இஃதே
சாலும்.