சஷ்டி விரதம் இருப்பது எப்படி?

by **மாலதி** February 26th 2013, 22:08

* ஐப்பசி மாதம் சுக்கிலபட்சத்தில் வரும் பிரதமை தொடங்கி சஷ்டி வரை 6 நாட்கள் விரதம் இருக்க வேண்டும்.

* ஒவ்வொரு நாளும் அதிகாலை எழுந்து, குளித்து முருகனை மனம் உருக வணங்க வேண்டும்.

* பூரண கும்பத்தில் தண்ணீர் நிரப்பி மாவிலை வைத்து, தருப்பையை வரிசையாக
வைத்துச் சந்தனமும், அட்சதையும் இட்டு முருகனை அதில் ஆவாகனம் செய்து
மலரிட்டு தீபம் காட்டி வழிபடுவது நல்லது.

* சஷ்டி விரத நாட்களில் பகலில் தூங்குதல் கூடாது.

* சஷ்டி தினத்தன்று இரவிலும் விழித்து இருப்பது கூடுதல் பலன்களைத் தரும்.

* முருகனை ஆறு காலமும் பூஜை செய்ய வேண்டும்.

* 6 நாட்களும் கந்தனின் சரித்திரங்களையும், சிறப்புகளையும், திருவிளையாடல்களையும், முருகன் செய்த அற்புதங்களையும் கேட்க வேண்டும்.

* திருப்புகழ் பாராயணம் செய்ய வேண்டும். எந்த அளவுக்கு பாராயணம் செய்கிறோமோ அந்த அளவுக்கு முருகனை நெருங்க முடியும்.

* பிரார்த்தனை, பாராயணம் நேரம் தவிர கூடுதல் நேரம் கிடைத்தால் அந்த
சமயத்தை வீணாக்காமல் முருகனை மனதில் நிலை நிறுத்தி தியானம் செய்யலாம்.

* 7ம் நாள் காலை உணவு சாப்பிட வேண்டும்.

* உணவு சாப்பிட்ட பிறகு பகலில் தூங்கக் கூடாது.

* இதே விரதத்தை ஒவ்வொரு மாதமும் சஷ்டி விரத சமயத்தில் கடைப்பிடிக்கலாம்.

* சஷ்டி விரதம் இருப்பவர்களது வினைகள் வெந்து சாம்பலாகி விடும்.

* விரதத்தை கடைபிடிக்க கடைபிடிக்க பக்தர்களுக்கு எண்ணிய நலமும், புண்ணிய பலமும் கிடைக்கும்.