திருமணத்தடை நீக்கும் காளகஸ்தீஸ்வரர்

ராகு பகவான், திருப்பதி காளகஸ்தியை போன்று இங்கும் சிறப்பானவர். இத் தல
ஞானாம்பிகையை வழிபட்டால் காளகஸ்தி ஈஸ்வரனை வழிபட்ட பலன் கிடைக்கும்.
தொடர்ந்து ஜுரத்தால் பாதிக்கபடுபவர்கள், இங்கு தனி சந்நதியில்
வீற்றிருக்கும் ஜுரகேஸ்வரரை வெந்நீரால் அபிஷேகம் செய்தும், சாதம்,
ரசம்,பருப்பு துவையல் கொண்ட நைவேத்யம் படைத்தும், வில்வ இலைகளால்
அர்ச்சித்தும் வழிபட்டால் ஜுரம் விலகும். காஞ்சி ஸ்ரீ சங்கர மடத்தை அடுத்து
அமைந்துள்ளது இத் திருக்கோயில்.

திருக்கோயில் அமைப்பும், தல வரலாறும்

மகாப்
பிரளயத்திற்கு பின்னர் இப் பிரபஞ்சத்தில் தோன்றிய முதல் திருக்கோயில் என்ற
சிறப்புடையது " மந்திரபீடேஸ்வரி மங்களாம்பிகை " சமேதராய் சிவ பெருமான்
அருள் புரியும் " ஆதி கும்பேஸ்வரர் திருக்கோயில் ". இத் திருத் தலம்
திருஞானசம்பந்தராலும், திருநாவுக்கரசராலும் பாடப்பெற்றது. "குடமூக்கு"
என்று தேவாரத்தில் அப்பரால் பாடப்பெற்றதும், மிகப் பழமையும் பெருமையும்
வாய்ந்ததுமானதொரு திருத்தலம் இந்த " ஆதி கும்பேஸ்வரர் திருக்கோயில் ".
சும்மர் 30,000 சதுர அடிப் பரப்பில், தெற்கு திசை தவிர மூன்று திசைகளிலும்
மூன்று திருச் சுற்றுகளையும், மூன்று கோபுரங்களையும், ஒன்பது நிலைகளுடன்
கூடிய 128 அடி உயர ராஜ கோபுரத்துடன் மிகப் பிரமாண்டமாக காட்சியளிக்கிறது,
கும்பகோணத்தின் மிகப் பிரதானமான இத் திருத்தலம்.தென் திசையில் கோபுரம்
ஏதுமின்றி, மொட்டை கோபுரமாகவே காட்சியளிக்கிறது. ( தஞ்சை - கும்பகோணம் பேருந்து வழித் தடத்தில் இக் கோயிலின் பேருந்து நிறுத்தம் "மொட்டை கோபுரம்" என்றே அழைக்கப்படுகிறது ).

பிரளயத்திற்கு
பின்னர் தோன்றிய முதல் கோயில் என்பதாலும், அமுத கும்பம் வந்து தங்கிய இடம்
என்பதாலும், இத்தல இறைவன் "ஆதி கும்பேஸ்வரர்' என வழிபடப்படுகிறார்.
கும்பேசம் என்பதே மருவி இன்றைய "கும்பகோணம்" ஆனது. ஆறு கால பூஜைகளும் இங்கு
சிறப்பாக நடைபெறுகிறது. பிரளய வெள்ளத்தில் மிதந்து வந்த அமுத குடத்தை,
கிராத மூர்த்தி உருவில் வந்த சிவ பெருமாங்கும்பத்தின் முகப்பை அம்பெய்து
உடைத்து அமுதம் எங்கும் பரவச் செய்தார். கீழே சிதறிய அமுதத்தை மண் கொண்டு
குழைத்து தனது கைகளாலேயே சிவ லிங்கம் ஒன்றை பிரதிஷ்டை செய்து பின்னர் அந்த
லிங்கத்திலேயே ஐக்கியமானார். அமுத கும்பத்தில் இருந்து தோன்றியதால் "
அமுதேஸ்வரர் " என்றும் " கும்பேஸ்வரர் " என்றும் வழிபடலானார்.

மந்திர பீடேஸ்வரியாய் மங்களாம்பிகை

இத்
தல இறைவி "மங்களநாயகி" மந்திர பீடேஸ்வரி, மந்திர பீட நலத்தாள், வளர் மங்கை
என பல்வேறு பெயர்களால் வழிபடப்படுகிறாள். திரு ஞானசம்பதர் இறைவியை "
இழைவளர் மங்கை " எனப் பாடுகிறார். இத் தல இறைவி மிகுந்த சக்தி வாய்ந்தவள்.
தன்னை தொழுவோர்க்கு சகல மங்களங்களையும் அருளும் மங்களநாயகி. வழிபடுபவர்க்கு
அமைதியையும், மன நிம்மதியையும் வழங்குபவள். சிவ பெருமான் தனக்கருளிய
30,000 கோடி மந்திர சக்திகளையும், தனக்குரிய மந்திர சக்திகளையும் ஒருங்கே
பெற்று 72,000 கோடி மந்திர சக்திகளின் அதிபதியாய் "மந்திர பீடேஸ்வரியாய்",
நாட்டிலுள்ள அனைத்து சக்தி பீடங்களுக்கும் முதன்மையாய்
அருள்புரிகிறாள்.உச்சி முதல் பாதம் வரை 51 சக்தி வடிவங்களாக
காட்சியளிக்கிறாள். எதிரே ரிஷப வாகனத்துடன், உயர்ந்த் பீடத்தில் கொலு
வீற்றிருக்கும் "இத் தல இறைவியை வெள்ளிகிக்ழமைகள் தோறும் செம்பருத்தி
பூக்களால் செய்த கிரீடம் சூட்டியும், 108 செம்பருத்திப் பூக்களைக் கொண்ட
மாலை அணிவித்தும் வழிபட்டால் குபேரனை போன்ற செல்வ வளம் பெறுவர்" என்கின்றன
புராணங்கள்